Член 1
Со овој деловник се уредуваат меѓусебните односи, права и обврски на членовите на НФУ во работа на Собранието.
Член 2
Состав на Собранието е дефиниран во Статутот на НФУ.
Право на глас во Собранието имаат оние членови кои до почетокот на Собранието имаат подмирено членарина за тековната година.
Почесни членови можат да учествуваат во работа на Собранието, без право на одлучување.
Член 3
Согласно Статутот на НФУ, член на НФУ, кој е спречен да учествува во работата на Собранието, може да даде полномоштво на друг член кој ќе го претставува. Овластување се дава за една собраниска седница, а важи и за следните собраниски седници со ист дневен ред.
Член 4
Собранието одлучува со мнозинство од присутните членови.
Собранието одлучува по пат на јавно гласање.
Одлуки на Собранието не можат да бидат во спротивност со Статутот на НФУ.
Член 5
Со работа на Собранието раководи претседател на Собранието, а во соработка со работно претседателство.
Работно претседателство брои три члена, вклучувајќи го и претседателот.
Избор на два члена за работно претседателство се врши јавно, на предлог на присутните.
Во случај на спреченост на претседателот на Собранието да го води состанокот, одлука кој ќе го води состанокот носи работното претседателство, по договор.
Член 6
Пред усвојување на дневен ред Собранието бира:
Работно претседателство,
Известувач за верификација,
Записничар,
Двајца заверувачи на записник.
Член 7
Сите присутни можат да учествуваат во расправа по одредена точка само еднаш.
Право на повторно учество во расправа по исто прашање, претседателство може да одобри само ако се изнесат нови моменти кои ќе одлучуваат за донесување на одлука по предметот.
Исклучок се известувачи по одредени прашања кои можат по потреба да учествуваат во расправата, со цел давање на потребни објаснувања.
Член 8
За време на работа на Собранието не е дозволена употреба на производи од тутун и алкохол.
Член 9
Работно претседателство има право да го опомене на коректно однесување, лице кое ја нарушува работата на Собранието на било кој начин, а во повторен случај сторителот да го оддалечи од Собранието.
Член 10
Измени и дополнувања на овој правилник донесува Собранието на НФУ.
Член 11
Правилникот стапува на сила и примена од денот на донесување.