Во сабота на 25 јануари 2025 година, со почеток во 12:00 часот, во универзитетскиот тренинг центар ќе се одржи презентација од познатиот фотограф Метин Арас, од Измир, Турција, носител на звањето ЕФИАП. Настанот ќе вклучува три фото приказни: првата ќе биде од неговиот престој во Штип, а останатите две од неговиот престој во Иран.
Метин Арас прв пат го посети Штип заради студирањето на неговиот син на Медицинскиот факултет при Универзитетот Гоце Делчев. Иако првично планираше кратка посета, остана скоро два месеци, фасциниран од смиреноста на градот, чистотата и пријателските луѓе. Во текот на неговите подолги престои во Штип, тој воспостави контакти и соработуваше со членовите на фото групата Широк агол од Штип.
Ве покануваме да присуствувате на овој настан и да уживате во прекрасните фото приказни на Метин Арас.
