Оваа година ФКК Битола слави 10 години од своето формирање. Она што на почетокот започна интузијастички, низ годините прерасна во добро организирана целина која успеа да се етаблира како неизоставен дел во светот на фотографијата и аматерскиот филм (како кај нас, така и надвор од нашата земја) залагајќи се пред се за своите естетски вредности. Нормално има многу нешта што можат да се кажат за периодот кој измина, но понекогаш е подобро одредени работи да се остават на судот на времето. Кога се работи за ФКК Битола, не е важно дали од досегашната работа или во блиска иднина ќе се појави некој нов Andreas Gursky или Cindy Sherman, она што е важно, или подобро кажано што ни било важно уште од самиот почеток на формирањето на клубот е љубовта кон фотографијата. И на така поставена матрица од самиот старт сите беа и сеуште се добредојдени да научат нешто, да создаваат, фотографираат и растат заедно со нас, надополнувајќи се, учејќи едни од други, со надеж дека еден ден сите овие изложби, работилници, предавања итн, ќе вредат нешто за идните поколенија и ќе остават неизбришлива трага во културниот пулс на нашиот град. Изложбата ќе биди поставена во Офицерскиот дом, на 21.12.2022 со почеток од 19.00 часот.
Препорака за понатамошно читање
Во фоајето на НУЦК „Марко Цепенков“ – Прилеп на 22 јуни 2023 година беше отворена изложба на уметнички фотографии на тема „Прочка […]
На 11 април 2022 година во просториите на Занаетчискиот дом во Куманово, се одржа изложбата „Носталгија втор дел“ на Коста Дупчинов. На […]
Почитувани, Фото група Дунавац ве поканува на учество во „фото-сафари Иваново“ што ќе се одржи на 23 април 2023 година (недела). Првото […]
Томислав Петернек бил роден во 1933 година во Винковци, а се занимавал со фотографија од 1954 година. Со новинарска фотографија почнал да […]