На 04 ноември 2024 година се одржа состанок на Уметничкиот совет на Националната Фото Унија на Македонија, во состав: Владимир Јовановски, МФ НФУМ, Александар Томовски, МФ НФУМ, и Димитар Чунгоски, КМФ НФУМ. На состанокот беа разгледани апликациите и колекциите на авторите кои аплицираа за звања на унијата.
Оваа сесија беше од особено значење бидејќи апликациите содржеа исклучителни фотографски достигнувања кои ги истакнуваат талентот и уметничкиот пристап на авторите. Советот со големо внимание ги анализираше и оцени сите поднесоци, препознавајќи го трудот, посветеноста и иновативноста на фотографите. По деталната евалуација, беа доделени следниве звања:
Почетен фотограф на НФУ:
Ангела Цветковска
Фотограф на НФУ:
Невенка Петковски
Наум Цветковски
Бисера Арсениевска
Кандидат Мајстор на Фотографија:
Дорјан Миловановиќ
Каролина Димовска
Мајстор на Фотографија:
Марина Атанасовиќ
Мери Бошкоска
Неда Арсениевска
Националната Фото Унија на Македонија им честита на добитниците за нивните значајни достигнувања и за придонесот кон уметничката фотографија. Овие звања не се само признание за нивниот талент и труд, туку и поттик за натамошно творештво и уметнички израз.
Звањата свечено ќе бидат доделени на годишното собрание на Националната Фото Унија на Македонија, кое ќе се одржи на 14-ти декември 2024 година во Битола.
Честитки до сите добитници!
НФУМ останува посветена на поддршката и развојот на фотографската уметност во Македонија. Со заеднички напори, продолжуваме да градиме заедница која го вреднува креативниот дух и уметничките достигнувања.
