ЗАПИСНИК
од редовното годишно собрание на Националната Фото Унија на Македонија
Датум: 14 декември 2024 година
Време: 11:00 – 15:00 часот
Локација: Битола, Пелагонка 2
Присутни членови:
(Список на присутни членови, согласно верификацијата на комисијата)
1. Отворање на состанокот и избор на работно претседателство
Состанокот го отвори Зоран Здравев, кој истакна дека ова е третото редовно собрание на Националната Фото Унија. По предложените кандидати, за работно претседателство беа избрани:
- Зоран Здравев
- Владимир Јовановски
- Димитар Чунгоски
За записничар беше избран Александар Георгиев, а за оверувачи на записникот Маријан Младеновски и Виктор Налевски. Верификационата комисија ја сочинуваа Мери Бошковска, Михаил Бунтески и Ивона Кочов.
2. Поздравен говор
Претседателот на Националната Фото Унија, преку официјален говор, ги поздрави присутните членови, како и домаќините од Фото Клуб Битола. Во говорот беше истакната важноста на заедничката работа и идните предизвици во развојот на македонската фотографија.
3. Усвојување на дневен ред
Дневниот ред беше едногласно усвоен без дополнителни измени.
4. Усвојување на записникот од Годишното собрание 2023 година
Записникот од претходното собрание беше ставен на гласање и едногласно усвоен.
5. Презентација и усвојување на годишниот извештај за 2024 година
- Годишна ревизија на активностите за 2024 година беше презентирана од страна на претседателот и содржеше детална анализа на реализираните изложби, доделените звања, финансирањето и надворешните активности.
- По кратка дискусија, извештајот беше ставен на гласање и едногласно усвоен.
6. Презентација и усвојување на годишниот план за 2025 година
- Годишната програма за 2025 година беше детално презентирана од страна на Владимир Јовановски. Во програмата беа вклучени нови активности како:
- Организација на Куп на македонска фотографија 2025
- Воведување на онлајн фото академија за едукација на младите фотографи
- Поддршка на фото сафари проекти и подобрување на репозиториумот на унијата
- Планот беше ставен на гласање и едногласно усвоен.
7. Одлуки за доделување на звања Мајстор на НФУМ
По разгледување на извештајот на Уметничкиот совет, беа доделени следните звања:
- Почетен фотограф на НФУ: Ангела Цветковска
- Фотограф на НФУ: Невенка Петковски, Наум Цветковски, Бисера Арсениевска
- Кандидат Мајстор на Фотографија: Дорјан Миловановиќ, Каролина Димовска
- Мајстор на Фотографија: Марина Атанасовиќ, Мери Бошковска, Неда Арсениевска
8. Доделување на плакети и дипломи
Официјално беа доделени дипломи и плакети за постигнатите звања.
9. Предлог одлука за членство на НФУ во ФИАП
По дискусија, одлуката за поднесување барање за членство во ФИАП беше одложена за следното собрание.
10. Дискусија за промена на Статутот на НФУ
Поттикната беше иницијатива за измена на статутот со цел поедноставување и подобрување на работата на унијата. Присутните членови дискутираа за рационализација на процесите и зголемување на транспарентноста. Одлуката беше да се формира работна група која ќе предложи конкретни измени.
11. Предлог проекти за 2025 година
- Организација на нови фото конкурси на национално и меѓународно ниво
- Подобрување на интернет страницата на НФУ и проширување на дигиталниот архив
- Поддршка за младите фотографи преку менторски програми
12. Разно
Во оваа точка членовите имаа можност да поставуваат прашања и да дадат свои предлози за идните активности.
Со ова, редовното собрание на Националната Фото Унија беше затворено во 15:00 часот.
Записничар:
Александар Георгиев
Оверувачи на записникот:
Маријан Младеновски
Виктор Налевски
