На редовниот состанок на Уметничкиот совет на Националната Фото Унија на Македонија, одржан во понеделник, 25 март 2025, беа разгледани и едногласно усвоени нови предлози за доделување на звања на членови кои се истакнале со својата посветеност, креативност и учество во уметничката фотографија.
Со особена чест и гордост ја информираме јавноста дека:
🔹 Ангела Цветковска го добива звањето Фотограф на НФУМ, како признание за нејзиниот континуиран ангажман, квалитетни изложбени остварувања и доследна уметничка изразеност во областа на фотографијата.
🔹 Гордана Чавкоска го добива звањето Почетен фотограф на НФУМ, како поттик и признание за нејзините први чекори во светот на фотографијата и нејзината желба за личен и уметнички развој.
Овие звања претставуваат признание не само за индивидуалните достигнувања на носителките, туку и потврда за активната улога на НПУМ во поддршка, мотивација и валоризација на фотографите од Македонија.
Националната Фото Унија на Македонија и понатаму ќе продолжи да создава простор за раст, соработка и унапредување на фотографската сцена преку систем на звања кој го вреднува трудот, талентот и ангажманот на своите членови.
Упатуваме искрени честитки до Ангела и Гордана и им посакуваме многу инспирација, нови проекти и фотографски успеси!
